У Каўнасе адзначылі Дзень Волі. Беларускія актывісты зладзілі прадстаўленне мапы БНР для горада Каўнаса, які беларусы называюць Коўна.
На мерапрыемства прышлі беларусы, літоўцы і ўкраінцы, кажа адзін з арганізатараў імпрэзы Віталь Каліноўскі:
– Было ўсё вельмі прыгожа, добра, літоўцы задавалі свае пытанні, якія хвалявалі іх паводле таго, што беларусы прадстаўляюць вельмі незразумелую для іх мапу. Я патлумачыў, што насамрэч яны бачаць межы, у якіх у пачатку ХХ стагоддзя ўтварылася Беларуская Народная Рэспубліка. І яны супакоіліся і зразумелі, што ніхто на іхнія землі не прэтэндуе.
Паводле Віталя Каліноўскага, мапа была створана сябрамі былых партый БСДП (Грамада), АГП, «Зялёных», рухам «За свабоду» і канфедэрацыяй незалежных прафсаюзаў. Скончылі прадстаўленне за кубачкам кавы.
Беларускае Радыё Рацыя
