Падчас візіту ў Латвію Святлана Ціханоўская сустрэлася з прадстаўнікамі беларускай дыяспары і абмеркавала праблемы, з якімі сутыкаюцца беларусы ў краіне. Частку гэтых пытанняў яна пазней агучыла на сустрэчах з прэзідэнтам Латвіі Эдгарсам Рынкевічсам і іншымі прадстаўнікамі латвійскіх уладаў.
Як адзначае прадстаўніца беларускай супольнасці ў Латвіі Людміла Іванова, для дыяспары было важна, каб іх праблемы былі пачутыя на дзяржаўным роўні:
– Латвія ўсё ж такі нацыянальная дзяржава, гэта прапісана ў Канстытуцыі. Меншасцям цяжка. Гэтыя пытанні мы паднімалі: беларусы не могуць набываць нерухомасць у Латвіі; беларускія пенсіянеры ў Латвіі не атрымліваюць пенсіі; беларусаў разглядаюць праз коску пасля расейцаў, і гэта звязана менавіта з вайной ва Украіне.
Тым часам падчас афіцыйных сустрэч з кіраўніцтвам Латвіі Святлана Ціханоўская таксама закранула пытанні падтрымкі дэмакратычных сілаў Беларусі, узмацнення ціску на рэжым Аляксандра Лукашэнкі і дапамогі беларусам, якія вымушана пакінулі краіну.
Цалкам матэрыял:
Беларускае Радыё Рацыя
Фота Беларусы Латвіі.
