За 2024 год у Польшчы затрымалі за здзяйсненне злачынстваў і адміністрацыйныя парушэнні 16 437 замежных грамадзянаў. Гэта на 857 менш, чым годам раней. Лічбы вынікаюць са звестак Галоўнай управы паліцыі Польшчы, атрыманых RMF FM.
Найчасцей іншаземцаў затрымлівалі за язду на асабістым транспарце пасля ўжывання алкаголю. Лідары па затрыманнях – грамадзяне Украіны — 9753 чалавекі. Яны значна апярэджваюць грамадзянаў усіх іншых дзяржаў. На другой пазіцыі ў сумным рэйтынгу грамадзяне Грузіі — 1780 чалавек. Трэцяе месца ў рэйтынгу парушальнікаў правапарадку занялі беларусы. Іх каралі 1122 разы. Грамадзянаў Беларусі 178 разоў лавілі на кіраванні аўтамабілем пасля ўжываньня алкаголю, 130 разоў за крадзяжы і 59 затрыманняў адбыліся ў справах аб хабарніцтве.
Улады Польшчы тым часам рыхтуюць больш строгія захады адносна парушальнікаў закону.
