Кіраўніца Асацыяцыі беларусаў «Талака» і прадстаўніца Народнай Амбасабы Беларусі ў Італіі Юлія Юхно атрымала ключы ад сацыяльнага жытла ў Фларэнцыі. Тут будзе часовы шэлтар для беларусаў, вымушаных пакідаць радзіму.
Гэта быў складаны праект, самы італьянцы казалі, што будзе цяжка яго ажыццявіць — кажа Юхно.
-Шэлтар будзе не толькі для палітзняволеных, але для ўсіх рэпрэсаваных агулам. Гэта будзе не вельмі вялікі шэлтар на 6 – 8 чалавек.
Па словах Юліі, шэлтар стане часовым месцам прытулку для беларусаў Італіі:
-Гэта будзе транзітнае месца ў сэнсе, што звычайна я стараюся інтэграваць людзей у дзяржаўныя праграмы. Таму да гэтага моманту, пакуль людзі не інтэграваныя ў гэтыя дзяржаўныя праграмы ім трэба дзесьці жыць. Вось шэлтар гэта будзе такое месца, куды яны змаглі б прыехаць і пабыць той час, які мне патрэбны, каб я магла інтэграваць іх у нейкія іншыя праграмы.
Юлія Юхно вельмі ўдзячная ўсім партнёрам, якія падтрымалі стварэнне шэлтара, аднак для яго пастаяннай працы патрэбныя ахвяраванні. Падтрымаць працу шэлтара можна звязаўшыся з яго арганізатарамі.
Беларускае Радыё Рацыя
