Вербная нядзеля ў Варшаве была сонечнай і прыгожай ад вялікай колькасці людзей з упрыгожанымі галінкамі вярбы. Беларускія католікі Варшавы адсвяткавалі ўезд Ісуса ў Ерусалім 2000 гадоў таму ў касцёле Святога Аляксандра.
Яны асвяцілі прынесеныя галінкі – сімвал радасці ад прыходу Ісуса, гаворыць вернік Дзмітрый Лупач:
-Гэта чаканне самага галоўнага хрысціянскага свята – Вялікадня. Яно мае вялікі сэнс. 2000 гадоў таму народ радасна вітаў Хрыста, а пасля праз колькі дзён выдаў яго на смерць. Таму яно шмат у чым нагадвае сённяшні дзень. Але чакаем, спадзяёмся і верым.
Ля касцёла беларусы арганізавалі кірмаш, дзе можна было набыць па-мастацку аформленыя галінкі вярбы, рознае печыва, самаробнае мыла і прыгожыя кветкі.
Цалкам гутарка:
Беларускае Радыё Рацыя
