Беларусы Вільні ўжо амаль тыдзень штодня ладзяць пратэстныя акцыі пад назвай “A Step Toward Change” (Крок да зменаў) ля будынка амбасады Беларусі. Іх арганізавалі палітвязні з ініцыятывы RE:BELarus разам з арганізацыяй “Дапамога”. Штодня людзі прыходзяць з плакатамі тыпу “Лукашэнку ў Гаагу”, каб нагадаць рэжыму Лукашэнкі ў Беларусі пра іх незаконныя дзеянні і пра тое, што беларусы не забыліся на гэта, яны памятаюць.
Паводле кіраўніцы “Дапамогі” Наталлі Калегавай, людзі стаяць там у кожнае надвор’е, нават у лівень і нават нягледзячы на розныя правакацыі і на тое, што працаўнікі амбасады звярталіся нават у паліцыю.
-Прадстаўнікі амбасады звярнуліся ў паліцыю, каб скрупулёзна выконваліся ўсе правілы мітынга. І нават на аднаго з удзельнікаў – Юрыя Чудзіновіча, які прайшоў крытую турму ў Беларусі і з’яўляецца блогерам “Точки невозврата” была выклікана паліцыя, калі ён здымаў пікет. Літоўская паліцыя прыехала, ён патлумачыў, што здымае свой дом, што гэта яго беларуская тэрыторыя, якая часова захоплена акупантамі. І паліцыя літоўская сказала: “Поспехаў!“
Акцыі “A Step Toward Change” (Крок да зменаў) ля будынка амбасады Беларусі ў Вільні працягнуцца да 9 жніўня. Яны праходзяць з 14:00 да 22:00 гадзін па адрасе: Mindaugo 13.
Цалкам матэрыял:
Беларускае Радыё Рацыя
Фота: тэлеграм-канал арганізацыі “Дапамога”
