У Беластоку ў хабе «Новая зямля» напісалі некалькі дзясяткаў лістоў і паштовак ваярам Палка Каліноўскага.
Пра акцыю распавядае яе ініцыятарка, журналістка Ірына Хамрэнка-Ушакова:
-Мы зараз у Беластоку падпісваем паштоўкі для беларускіх ваяроў, для Палка Каліноўскага, каб парадаваць іх на Каляды. Мы будзем збіраць яшчэ вялікую пасылку з падаруначкамі, з салодкім, і адпраўляць яе. Спадзяемся, што да 25 снежня ўсё дойдзе да нашых хлопцаў.
Ірына шкадуе, што ў акцыі прымаюць удзел толькі беларусы:
-Гэта ўсе ў асноўным беларусы: мясцовыя актывісты, проста беларускія жыхары Беластока, якія тут жывуць, якія ведаюць, што ідзе вайна, якія не хочуць заставацца абыякавымі, не хочуць заставацца ў баку. І прыйшлі падтрымаць нашых ваяроў.
Апроч напісання лістоў арганізацыя, ў якую ўваходзіць Ірына, збірае і навагоднія падаругкі для ваяроў, а таксама арганізаваны збор на дрон. Падрабязнасці можна даведацца з сацыяльных сетак праекта.
Цалкам матэрыял:
Беларускае Радыё Рацыя
