60 гадоў з дня заснавання адзначае школа № 3 з дадатковым навучаннем беларускай мовы імя Яраслава Кастыцэвіча ў Бельску-Падляшскім. З нагоды юбілею ў сценах навучальнай установы прайшла ўрачыстая імпрэза.
Гавораць – цяперашні дырэктар школы Пётр Нікалаюк-Стасюк ды настаўнікі, якія аддалі шмат гадоў педагагічнай працы ў ёй:
-Многа змянілася ў нашай школе: мяняліся вучні, мяняліся нашыя настаўнікі, мяняліся падручнікі. Але нашая школа змагла прыстасавацца да ўсіх змен. І не страціць свайго характару і духу.
-Я працую па сённяшні дзень – 37 гадоў. І я не працавала ніводнага дня ў іншай школе. Таму для мяне гэтая школа ўсё. Я нават не ўяўляла сабе працы ў іншай школе, а гэта ўсё дзякуючы людзям.
-Я бачыў гэтую школу, як асяроддзе, якое патрэбнае для дзяцей, для бацькоў. Было цесна, пачалі разбудоўваць, каб былі ўмовы для добрай навукі.
Школа №3 з дадатковым навучаннем беларускай мовы была заснаваная ў Бельску-Падляшскім вядомым беларускім педагогам Яраславам Кастыцэвічам. І па гэты дзень па многіх паказчыках яна з’яўляецца адной з лепшых не толькі ў Бельскім павеце, а і ва ўсім Падляшскім ваяводстве.
Цалкам матэрыял:
Юрась Дзяшук, Беларускае Радыё Рацыя
