Беларускае грамадска-культурнае таварыства запрашае прыняць удзел у штогадовым аглядзе “Пявучыя сем’і”, які адбудзецца 26 кастрычніка 2025 года ў зале БГКТ па адрасе: вул. Варшаўская, 11.
Кажа старшыня Беларускага грамадска-культурнага таварыства Васіль Сегень:
-Неўзабаве ў нас агляд пад назвай “Пявучыя сем’і”, які ўжо, калі не памыляюся, 11 раз будзе ў гэтым годзе праходзіць. 26 кастрычніка, нядзелька, у сядзібе БГКТ. Пры нагодзе сардэчна запрашаю і ўдзельнікаў – тых, хто хоча паспяваць, і канешне гледачоў, хто хоча паслухаць, як спяваюць беларускія пявучыя сем’і. Спевы, канешне ж, па-беларуску.
Да ўдзелу запрашаюцца сем’і і сямейныя калектывы, якія любяць беларускую песню і жадаюць прадэманстраваць сваё майстэрства і любоў да роднай культуры. Заяўкі на ўдзел прымаюцца да 20 кастрычніка 2025 года па электроннай пошце: [email protected] або па тэлефоне: 668 158 880.
Цалкам гутарка:
Беларускае Радыё Рацыя
