4 чэрвеня буферная зона на мяжы з Беларуссю аднаўляецца – паведаміў віцэ-прэм’ер i міністр нацыянальнай абароны Уладзіслаў Касіняк-Камыш. У сілу ўступіць пастанова МУС, якая ўводзіць часовую забарону на быццё ў памежнай зоне.
Кіраўнік Міністэрства нацыянальнай абароны заявіў на брыфінгу з вайскоўцамі ў Томашове Мазавецкім, што буферная зона вызначана ў Гайнаўскім і Беластоцкім паветах.
– Буферная зона ахоплівае 27 населеных пунктаў. Найбольш у Гайнаўскім павеце – 26 мясцовасцяў і адна мясцовасць на тэрыторыі Беластоцкага павету. Распараджэнне ўвойдзе ў сілу 4-га чэрвеня.
Ва ўрадзе тлумачаць, што аднаўленне буфернай зоны патрэбнае для лепшай аховы мяжы і павышэння бяспекі супрацоўнікаў службаў, якія яе ахоўваюць. Абмежаванні ўводзяцца спачатку на 90 дзён і могуць быць падоўжаныя.
Беларускае Радыё Рацыя
