Сёння, 25 сакавіка, – чацвёртая гадавіна арышту Андрэя Пачобута.
Журналіст, актывіст польскай нацыянальнай меншасці ў Беларусі, адбывае прысуджаныя яму восем гадоў калоніі ўзмоцненага рэжыму ў наваполацкай калоніі №1. Прызнаны палітычным вязнем. Яго неаднаразова змяшчалі ў штрафны ізалятар і памяшканне камернага тыпу, у зняволенні ў актывістам сур’ёзна пагоршыўся стан здароўя. Яго вызвалення дамагаюцца ў тым ліку ўлады Польшчы.
Сёння ў Беластоку пройдзе традыцыйная акцыя салідарнасці з Анджэем Пачобутам і ўсімі палітычнымі зняволенымі. Пачатак акцыі ў 17.30 каля помніка ксяндзу Ежы Папялушку.
