У Варшаве ля помніка Каперніку прайшла чарговая акцыя беларусаў.
Прадстаўнікі беларускай дыяспары прыйшлі, каб успомніць забітых Рамана Бандарэнку, Алеся Пушкіна, якім на пачатку жніўня магло б споўніцца 35 і 59 гадоў. Выступоўцы выказалі салідарнасць з палітвязнямі і шкадаванне, што ніхто з беларускіх палітзняволеных не аказаўся ў спісе абмененых.
Кажа прадстаўнік Руху Салідарнасці «Разам» Вячаслаў Сіўчык:
– Тэмы падымаліся розныя, натуральна падымаліся і тэмы абмену, і тэмы “Белсата”, таму што “Белсат” знішчаюць, і беларусы катэгарычна супраць гэтага. Была расцяжка, прысвечаная Раману Бандарэнку, таму што 1 жніўя – гэта дзень яго народзінаў. На вялікі жаль, ён у нябеснай Беларусі ўжо, але беларусы Варшавы памятаюць пра ахвяры нашай нацыі, і мы ніколі не даруем забітых лукашэнкаўска-пуцінскай бандай.
Акцыя скончылася праз гадзіну агульным здымкам. Але людзі яшчэ пэўны час стасаваліся між сабой, слухалі беларускую музыку.
Цалкам матэрыял слухайце ў далучаным файле:
Беларускае Радыё Рацыя
