У нядзелю, 1 чэрвеня, з 16-й да 20-й гадзіны каля Падляшскай оперы і філармоніі адбудзецца свята “Дзень дзіцяці з культурай”, арганізаванае Падляшскім інстытутам культуры.
Удзел у ім возьмуць установы з усяго рэгіёну, у тым ліку Цэнтр беларускай культуры, які падрыхтаваў асаблівую праграму для дзяцей і сем’яў. Кажа супрацоўніца Цэнтра Юлія Сівец:
-Запрашаем і дзяцей, і дарослых. Па-першае, будуць сустрэчы з лялькамі са спектакля “Wicia” да 100-годдзя пісьменніка для дзяцей Віктара Шведа. Таксама будуць забавы з саломкай, можна будзе зрабіць сучаснае ўпрыгожанне. Таксама ў праграме заданні – можна будзе пазнаёміцца з героем нашых адукацыйных забаў навучання беларускай мовы – гэта Зубранаятка Бронік. Будуць якраз размалёўкі.
У праграме таксама канцэрты, танцы, гульнявыя зоны, прысмакі. На сцэне выступяць хор і балетная школа Падляшскай філармоніі, фальклорныя гурты, ілюзіяніст, а напрыканцы – цудоўны сямейны канцэрт “Байкі, казкі, казачкі”. Уваход вольны.
Цалкам матэрыял:
Беларускае Радыё Рацыя
Фота ЦБК
