Курская ці нейкая іншая вобласць РФ Украіне не патрэбныя. Украіна хоча вызваліць свае тэрыторыі ў межах 1991 года, у гэтым перакананы валанцёр украінскай скаўцкай арганізацыі “Пласт”, грамадскі дзеяч Паўло Кобзар:
– Апошнім часам найбольш абгаварваецца курская аперацыя Узброеных сілаў Украіны. Гэта тое, што надае найбольшую надзею, бо апошнім часам жыццё ва Украіне стала больш складаным. Ужо трэці год працягваецца поўнамаштабная вайна і маральныя ды матэрыяльныя рэсурсы паволі вычэрпваюцца.
Поўнамаштабная вайна на ўкраінскай тэрыторыі працягваецца фактычна два з паловай гады. Некалькі тыдняў таму ўкраінскія ўзброеныя сілы пачалі наступаць на тэрыторыю Расейскай Федэрацыі.
Беларускае Радыё Рацыя
