Падтрымка Украіны, украінцаў і беларускіх ваяроў, сумеснае адзначэнне зімовых святаў ды дапамога беларускім палітвязням, у тым ліку напісанне лістоў і паштовак за краты. Такія актыўнасці цяпер маюць прадстаўнікі беларускай дыяспары ў Эстоніі.
Падрабязней распавяла беларуска Ірына Шпак:
– У апошнія два месяцы тое, што мы рабілі, я падзяліла на тры галоўныя накірункі – гэта падтрымка палітзняволеных, падтрымка Украіны і нейкія агульныя справы з украінскай дыяспарай тут. І, канешне, прыцягванне ўвагі да беларусаў, беларускай дыяспары ў Эстоніі і Беларусі і яе становішча ўнутры краіны.
Беларуска Ірына Шпак дадала, што адным з важных накірункаў для беларусаў Эстоніі застаецца актуальнасць беларускай тэмы ў медыя. Асабліва на фоне так званых прэзідэнцкіх выбараў.
Цалкам матэрыял слухайце ў далучаным файле:
Беларускае Радыё Рацыя
