Дасылаюць паштоўкі да Дзён народзінаў палітвязняў ды ладзяць акцыі салідарнасці беларусы Бельгіі. Гэтыя дзеянні не спыняюцца вось ужо цягам чатырох гадоў.
Распавяла прадстаўніца беларускай дыяспары Марына Леваценка:
– Гэтая гісторыя пачалася яшчэ ў 2020 годзе, калі з’явіліся першыя палітвязні, і тады мы сабраліся, гэта было яшчэ ўлетку. І тады мы пачалі пісаць лісты і паштоўкі палітвязням. І гэта было яшчэ на пачатку, таму яны ўсе даходзілі, і адказы нам прыходзілі. Вось адтуль усё і пайшло, гэтая гісторыя. І яна ўжо доўжыцца больш за чатыры гады. І мы не спыняемся.
Марына Леваценка падагульніла, што адваротная сувязь з палітвязнямі была вельмі рэдкая, а апошнім часам амаль што адсутнічае. Але гэта не з’яўляецца прычынай, каб спыніцца іх падтрымліваць.
Цалкам матэрыял слухайце ў далучаным файле:
Беларускае Радыё Рацыя
