Фота: dze.chat
Падтрымку беларускім палітвязням і іх сем’ям у плане фінансаў і маральна працягваюць аказваць прадстаўнікі беларускай дыяспары ў Даніі. Яна неабходная да таго моманту, пакуль усе асобы, што праходзяць па крымінальных палітычна матываваных справах, не апынуцца на волі, распавяла беларуска Вольга Сомава:
– На жаль змены ў грамадстве не адбываюцца, нават наадварот сітуацыя з правамі чалавека пагаршаецца. Канешне самая галоўная матывацыя – гэта кантакты, якія пабудаваныя з сем’ямі палітвязняў. Людзі ўжо як родныя, як сям’я, таму няма думак спыняцца, падтрымліваем і працягваем падтрымліваць.
Вольга Сомава дадала, што пры нагодзе беларусы Даніі збіраюцца разам і пішуць паштоўкі да дзён народзінаў палітвязняў. Але асноўныя высілкі – на адраснай фінансавай дапамозе.
Беларускае Радыё Рацыя
