Інфармацыйная падтрымка палітвязняў, дапамога Украіне і беларускім ваярам, пашырэнне сувязяў паміж беларусамі Паўночнай Амерыкі. Такія зараз самыя важныя накірункі дзейнасці для беларусаў у ЗША, – распавёў прадстаўнік дыяспары Міхаіл Палітыко:
– Важнай тэмай зараз застаецца дапамога Украіне. Таксама палітычныя вязні, зборы на “каліноўцаў” і іншых вайскоўцаў ва Украіне. Масавых збораў на палітвязняў у нашай дыяспары не было, але шмат людзей у прыватным парадку працягваюць падтрымліваць іх сем’і.
Беларус Міхаіл Палітыко звярнуў увагу, што беларусы Канады цяпер не такія актыўныя як беларусы ЗША. Гэта абумоўлена ў тым ліку невялікай колькасцю беларусаў, якія жывуць у канадскай дзяржаве і вялікімі адлегласцямі паміж гарадамі, што ўскладняе частыя сустрэчы.
Беларускае Радыё Рацыя
