У Беластоку на цэнтральнай плошчы ля помніка маршалка Юзафа Пілсудскага прайшлі афіцыйныя мерапрыемствы па ўшанаванні 106-й гадавіны Дня незалежнасці Польшчы.
Па традыцыі, перад беластачанамі выступілі кіраўнікі горада і ваяводства, а таксама прайшоў парад вайсковых і мундуровых службаў:
Польшча здабыла незалежнасць 11 лістапада 1918 года пасля 123 гадоў панавання Расейскай імперыі ў выніку трох падзелаў Рэчы Паспалітай.
Юрась Дзяшук, Беларускае Радыё Рацыя
* * *
Пляц Касцюшкі паступова запаўняецца ўдзельнікамі ўрачыстага параду. У Касцёле адбываецца ўрачыстая імша.
У цэнтры Беластока, дзе хутка распачнуцца ўрачыстасці да Дня Незалежнасці, працуе адкрытая выстава найноўшай ваеннай тэхнікі, а таксама спецыяльных служб – мытнай, пажарнай, паліцыі.
Кожны ахвочы можа патрымаць зброю, зрабіць фота і задаць пытанні для ваенных.
Беларускае Радыё Рацыя
