Беларуская дыяспара Беластока запрашае 24-га лютага на акцыю з нагоды другой гадавіны пачатку вайны Расеі супраць Украіны.
З якімі думкамі пойдуць на акцыю, распавялі прадстаўнікі беларускай дыяспары ў Беластоку:
– Украіна ўсё роўна пераможа, проста тут па часе звычайна любая вайна была доўгая. Сусветная 5 гадоў.
– Дакладна, трэба дапамагаць Украіне, у нас адзін вораг
– У Украіны гэта не першыя 2 гады. Быў Крым, былі ДНР/ЛНР
– Мы як беларусы можам толькі дапамагаць украінцам. Частка беларусаў ваюе на фронце
– Я не лічу, што заканчэнне вайны ва Украіне дасць нам больш магчымасцяў, таму трэба не чакаць гэтага моманту, а самім рабіць магчымыя і не магчымыя рэчы, выходзіць на акцыі
Акцыя »Разам супраць расейскай агрэсіі» адбудзецца каля помніка Пілсудскаму на рынку Касцюшкі. Пачатак а 18-й.
Фота арганізатараў акцыі
Беларускае Радыё Рацыя
