Зорка сусветнага маштабу, доктар філасофіі, аўтар 17 кніг па псіхалогіі правядзе лекцыю для беларусаў.
Вядомы амерыканскі псіхатэрапеўт, пісьменнік і аратар Джэймс Холіс прачытае лекцыю на тэму «Жизнь между мирами». Яе 22 верасня арганізуе Еўрапейскі інстытут сучаснай псіхатэрапіі на чале з дырэктаркай, беларускай псіхатэрапеўткай Ганнай Матуляк.
Паводле Ганны Матуляк, ён будзе гаварыць пра крызісы, пра тое, як перажываць тое, што перажываюць беларусы.
– І ўпершыню сусветная зорка загучыць па-беларуску. Калі камусьці цікава і важна, то з задавальненнем запрашаю, бо гэта сапраўды сусветная зорка. Джэймса Холіса добра ведаюць у свеце, і ён у вельмі сталым узросце. Вялікі гонар і ўдача, што ён пагадзіўся правесці для нас гэтую лекцыю.
Джэймса Холіса ведае ўвесь свет. Яго кнігі перакладзены на дзясяткі моў. Яго голас – адзін з самых важкіх у сучаснай глыбіннай псіхалогіі.
На лекцыю Холіса, якая адбудзецца на платформе ZOOM 22 верасня, можна зарэгістравацца па спасылцы на сайце Еўрапейскага інстытута сучаснай псіхатэрапіі.
Цалкам матэрыял:
Беларускае Радыё Рацыя
