Хаб «Новая Зямля» запрашае далучыцца да святкавання Дня роднай мовы.
Хаб “Новая Зямля” у Беластоку запрашае адзначыць 21-га лютага Дзень Роднай Мовы і напісаць дыктоўку па тэксце Васіля Быкава. Кажа сузаснавальніца хаба Надзея Салаўёва:
– А 18-й 21-га ў сераду прыходзьце пісаць. У нас ужо ўсё падрыхтавана. Зараз працуем над тым, каб наладзіць стрым. Каб людзі, якія хочуць далучыцца з Беларусі або з іншых гарадоў, таксама маглі ў анлайне з Кацяй Ваданосавай напісаць. Для беларуса беларуская мова гэта тое, дзякуючы чаму, ён можа называць сябе беларусам.
Акрамя гэтага ў хабе ў межах Дня Роднай Мовы пройдзе інтэлектуальная гульня – квіз, падрыхтаваная Падлеткавым Клубам, і дэкламацыя беларускіх вершаў ад дзетак і ўсіх жадаючых. Пачатак а 18-й.
У праграме:
Дыктоўка. Тэкст Васіля Быкава. Сёлета яму спаўняецца 100 год. Дыктуе Кацярына Ваданосава. Тыя, у каго не атрымаецца з далучыцца ў хабе, зможа пісаць анлайн, даяднаўшыся да стрыма на youtube канале “Мова Нанова”.
Квіз, адмыслова падрыхтаваны Падлеткавым Клубам.
Беларускія вершы ад дзетак і ўсіх жадаючых.
Дата: 21.02. Час: 18.00. Месца: Хаб Новая Зямля, Wyszyńskiego 6A, Беласток.
Беларускае Радыё Рацыя
