У Варшаве адзначылі Дзень Волі. Вялікая імпрэза, якая ўключала шэсце, мітынг і канцэрт, разгарнулася ў цэнтры сталіцы на плошчах Трох Крыжоў і Замкавай.
Пра важнасць свята ў гісторыі Беларусі і эмоцыі ад сёлетняй падзеі распавялі суарганізатар імпрэзы Васіль Плешкуноў, прадстаўніца Школы беларускай традыцыйнай культуры Наталка, а таксама сувядучы, журналіст Вітаўт Сіўчык.
– Без Дня Волі не было б беларусаў як самастойнага палітычнага народу. Менавіта 25 сакавіка ў 1918 годзе наша эліта вырашыла, што Беларусь павінна быць незалежнай краінай.
– Для нас, як для людзей, якія захоўваюць культуру і распаўсюджваюць сярод беларусаў, гэта было не тое, што абавязкова, гэты было немагчыма не прыйсці і не далучыцца.
– Гэта свята, якога мы чакалі, якое мы зрабілі. Калі я паглядзеў на людзей, ім было добра
Сёлета ў падзеі прынялі ўдзел і палітычна-грамадскія дзеячы, сярод іх – Павел Латушка, Павел Баркоўскі, Ірына Шчасная, Вячаслаў Сіўчык. Таксама далучыліся музычныя гурты “Kurwadziki”, “Паўталера”, “Капітан Хмель” і Школа беларускай традыцыйнай культуры.
Цалкам матэрыял слухайце ў далучаным файле:
Беларускае Радыё Рацыя
