Суд Еўрапейскага Звяза ў аўторак пастанавіў, што дзяржава-член абавязана прызнаваць шлюб аднаполай пары, законна заключаны ў іншай краіне Еўрапейскага Звяза, нават калі заканадаўства гэтай краіны не прызнае такія саюзы. Справа тычыцца польскай пары.
Справа тычыцца двух палякаў, якія пажаніліся ў Берліне ў 2018 годзе. Пара, жадаючы пераехаць у Польшчу, падала заяву аб унясенні іх нямецкага пасведчання аб шлюбе ў польскі рэестр грамадзянскага стану, але атрымала адмову, бо польскае заканадаўства не дазваляе прызнаваць аднаполыя шлюбы.
У аўторак Суд ЕЗ пастанавіў, што адмова дзяржавы-члена прызнаць шлюб паміж двума грамадзянамі ЕЗ, законна заключаны ў іншай краіне ЕЗ, супярэчыць заканадаўству Еўрапейскага Звяза.
Суд Еўрапейскага Звяза ўстанавіў, што, хоць правілы заключэння шлюбу адносяцца да кампетэнцыі дзяржаў-членаў, яны абавязаны выконваць заканадаўства ЕЗ, якое гарантуе грамадзянам права на свабоду перамяшчэння, права пражываць на тэрыторыі іншых дзяржаў-членаў і права весці там звычайнае сямейнае жыццё.
Рашэнне Суда ЕЗ не азначае, што краіна абавязана ўвесці аднаполыя шлюбы ў сваё нацыянальнае заканадаўства, але яна абавязана прызнаць такі саюз, калі ён быў законна заключаны ў іншай краіне ЕЗ.
Крыніца: bielsk.eu
