У Беластоку працягваецца канферэнцыя EMYA2025, прысвечаная ролі музеяў у сучасным грамадстве. Падзеі другога дня праходзяць у Падляшскай Оперы і Філарманіі.
Удзельнікі канферэнцыі, у тым ліку беларуская дэлегацыя, прымаюць удзел у панэльных дыскусіях, прысвечаных інклюзіі, навуцы і тэхналогіям у музейнай справе. Разам з беларускімі калегамі выказалася ўдзельніца мерапрыемства, прэзідэнтка беластоцкага аддзялення Саюза Сібіракоў Іяланта Грынявіцка:
-Вельмі важная падзея ў жыцці Музея памяці Сібыры. Гэта агульнаеўрапейская ўзнагарода, вельмі значная для дзейнасці музея.
-Суперважная падзея. Я, не зважаючы ні на што, прыехаў. І шчаслівы, што ў мяне атрымалася да гэтага далучыцца.
Праграма канферэнцыі працягнецца ў наступныя дні, уключаючы дадатковыя панэльныя дыскусіі, прэзентацыі намінантаў і цырымонію ўручэння прэмій EMYA2025. Падчас сесій абмяркоўваюцца стратэгіі інклюзіі і ўдзелу супольнасцяў у музейнай дзейнасці, а таксама выкарыстанне навуковых і тэхналагічных дасягненняў для перадачы гістарычных ведаў.
Цалкам матэрыял:
Беларускае Радыё Рацыя
Фота Беларускага Радыё Рацыя і MPS
