Арменія, а дакладней яе сталіца Ерэван, нечакана ператварылася ў кропку выратавання для тысяч іранцаў. Аўтобусы прывозяць сюды людзей рознага ўзросту — тых, хто больш не можа дыхаць пад ціскам рэжыму, які жорстка душыць пратэсты ў Іране.
Ерэван стаў не турыстычным маршрутам, а часовым домам. Тут шукаюць бяспеку, інтэрнэт без цэнзуры і простае права гаварыць уголас.
Пра тое, як выглядае жыццё іранцаў у армянскай сталіцы — паміж надзеяй, страхам і кавай у маленькіх кавярнях — распавядае беларускі блогер і актывіст Зміцер Грынкевіч:
– Арменія стала месцам, куды можна максімальна хутка патрапіць. І з мінімальнай колькасцю праблем. А там ужо вырашаць, што рабіць далей.
Зміцер пабачыў у Ерэване розных іранцаў і пацікавіўся, як доўга можна знаходзіцца ім у Арменіі:
-Іранцам можна тут знаходзіцца без візы 90 дзён спакойна. Нават да мяне дайшлі звесткі, што каля амбасады Ірана ў Ерэване даволі часта адбываюцца мітынгі іранскіх актывістаў.
Бліжэйшыя краіны перакрылі мяжу для іранцаў: ім немагчыма патрапіць у Азербайджан, а Турцыя на мяжы праводзіць татальныя праверкі.
Цалкам гутарка:
Беларускае Радыё Рацыя
