У сераду, 12 сакавіка, Еўрапейскі парламент прыняў папраўку да рэзалюцыі, у якой прызнаў Польскі “Шчыт Усход” “флагманскім праектам для агульнай бяспекі Еўрапейскага Звязу”. Польская праграма атрымала тым самым міжнацыянальную вядомасць. Пра гэта піша сэрвіс Онэт.
„У прынятай папраўцы падкрэсліваецца, што абарона сухапутных, паветраных і марскіх межаў ЕЗ спрыяе бяспецы ўсяго Еўразвязу і, у прыватнасці, яго ўсходняй мяжы. Падкрэсліваецца, што “Шчыт Усход“ і Балтыйская лінія абароны павінны быць флагманскімі праектамі ЕЗ для падтрымкі стрымлівання і пераадолення патэнцыйных пагроз з усходу”, – гаворыцца ў паведамленні.
Нагадаем, што Нацыянальная праграма стрымлівання і абароны – “Шчыт Усход” была афіцыйна абвешчана ў траўні 2024 года прэм’ер-міністрам Дональдам Тускам. Праграма будзе ахопліваць ўчастак мяжы амаль 700 км.
