Фонд “Тутака” арганізуе майстар-клас па вырабе традыцыйных беларускіх саламяных павукоў, які адбудзецца 15 студзеня а 16-й у святліцы вёскі Случанка.
Кажа кіраўнік Фонду Павел Станкевіч:
– Мы так супольна падумалі, што варта было б зрабіць такі святочны падарунак, сустрэцца, наладзіць новыя сувязі. І ўсіх з усімі пазнаёміць. Запрашаем усіх жыхароў Случанкі перадусім, але таксама і Гарадка.
Майстар-клас правядзе вопытная майстрыха Святлана Кучук, якая падзеліцца сакрэтамі пляцення і раскажа пра сакральнае значэнне гэтага абярэга ў беларускай культуры:
– Павукоў рабілі раней перад Калядамі і кожны год. Дзяўчаты і жанчыны збіраліся ў нейкай агульнай хаце, рабілі разам павукоў, спявалі, нешта абмяркоўвалі. А перад наступнымі Калядам яго спальвалі, таму што ёсць такая традыцыя. Літоўскія і беларускія больш падобныя знешнім выглядам, польскія павукі маюць асаблівыя ўпрыгожванні ў выглядзе круглых пампончыкаў.
Мерапрыемства адкрыта для ўсіх ахвочых, незалежна ад узросту. Уваход вольны, аднак удзельнікі могуць падтрымаць арганізатараў добраахвотнымі ахвяраваннямі на месцы.
Цалкам матэрыял слухайце ў далучаным файле:
Вольга Сямашка, Беларускае Радыё Рацыя
Фота аўтара і Фонда “ТУТАКА”
