Да Дня роднай мовы, які адзначаецца 21 лютага, фонд “Вільна Білорусь” падводзіць вынікі сваёй працы па захаванні беларускай культуры і мовы ва Украіне. Фонд прыняў удзел у пасяджэнні Савета нацыянальна-культурных таварыстваў Львоўскай вобласці, а таксама анлайн-сустрэчы Савета Еўропы і Дзяржслужбы Украіны па этнапалітыцы.
Кажа кіраўнік Фонда Аляксей Францкевіч:
– Сёння вітаюць з Днём роднай мовы на заканадаўчым узроўні ва Украіне. Прызнаны мовы, якія могуць страціць сваё існаванне. У гэтым пераліку ёсць і беларуская мова. У Дзень роднай мовы адбудзецца таксама круглы стол, які ініцыяваў дэпартамент этнапалітыкі, дзе мы таксама запрошаны з нагоды Дня роднай мовы. Тут ёсць «Ветка» радыё ФМ, мо ў нас з’явіцца мажлівасць, каб на Львоўшчыне паўсталі падкасты пра беларускую культуру, традыцыю.
Адпаведна сёння ў Львове будуць абвешчаны вынікі конкурсу дэкламавання па-беларуску, які праводзіцца на базе “Дому вольнай Беларусі”. Пераможцы атрымаюць перакідны каляндар на 2025 год з выявамі герояў, што аддалі свае жыцці за свабоду Беларусі і Украіны.
Цалкам матэрыял:
Беларускае Радыё Рацыя
Фота з архіва Аляксея Францкевіча
