У рамках святкавання Дня Саборнасці Украіны фонд «Вільна Білорусь» прыняў удзел у кіеўскім Круглым стале, які тычыўся пытанняў аб’яднання нацыі і яднанне ўсіх народаў, якія пражываюць на тэрыторыі Украіны. Прадстаўнікі фонду агучылі праблемныя пытанні, з якімі сутыкаюцца беларускія валанцёры і іх сем’і.
Кажа кіраўнік фонда «Вільна Білорусь» Аляксей Францкевіч:
– Прапанаваў ім зрабіць рабочую групу прадстаўнікоў нацыянальных супольнасцяў, каб фіксаваць факты парушэнняў, якія тычацца добраахвотнікаў іншаземцаў. І сумесна з прадстаўнікамі ўлады, з народнымі дэпутатамі, з прадстаўнікамі Офіса ўпаўнаважанага па правах чалавека рабіць усё, каб гэтыя праблемы вырашыць.
Адпаведна пасля Круглага стала прадстаўнікі фонда «Вільна Білорусь» прынялі ўдзел у шэсці ў гонар загінуўшых Герояў Нябеснай Сотні. Удзельнікі мерапрыемства запалілі знічы і ўсклалі кветкі да мемарыяльных дошак, ушанаваўшы памяць загінуўшых, сярод якіх былі і беларускія грамадзяне, такія як Міхаіл Жызнеўскі.
Цалкам матэрыял:
Беларускае Радыё Рацыя
