19 сакавіка ў Цэнтры праваслаўнай культуры ў Беластоку адбудзецца адкрыццё аўтарскай фотавыставы Аляксандра Васылюка “Праваслаўе ў аб’ектыве”. Выстава складаецца з 150 фотаздымкаў і будзе прадстаўлена на агароджы сабора Святога Мікалая ў Беластоку. На выставе прадстаўлены фотаздымкі за апошнія 30 гадоў.
Партрэты, дэталі і архітэктура праваслаўя ў Польшчы і ва ўсім свеце. Спроба паказаць прыгажосць веры, надзеі і любові да бліжняга. Своеасаблівае запрашэнне і заахвочванне да большага пазнання духоўнасці, а таксама памяць пра мінулыя гады і знакавыя для Царквы асобы.
Падчас вернісажу, які адбудзецца 19 сакавіка ў 18.00 у Цэнтры праваслаўнай культуры ў Беластоку (ul.św. Mikołaja 5), можна будзе ўбачыць пашыраную падборку фотаздымкаў і сустрэцца з аўтарам.
Паводле прэс-рэлізу
