Гарадзенскае зямляцтва ў Беластоку адзначыць – Дзень святога Губерта. Гэтая традыцыя разам з патрыётамі Гародні перакачавала ў Беласток, дзе жыве шматлікая колькасць гарадзенцаў. А алень заступніка Гародні святога Губерта прысутнічае на старадаўнім гербе каралеўскага горада.
Запрашае на сустрэчу актывіст гарадзенскай суполкі Беластока – Сяржук Верамеенка:
-1 лістапада ў Беластоку мы будзем адзначаць ужо традыцыйна Дзень святога Губерта. Збіраюцца гарадзенцы – гэта традыцыя, якая яшчэ была ў Гародні. Запрашаем усіх, прыходзьце, калі ласка! Не толькі гарадзенцы, прыходзьце беларусы, будзе весела, будзе цікава. Будуць конкурсы, квізы – у тым ліку для дзяцей. Прыедзе лідар гурта “Дзецюкі” Алесь Дзянісаў, заспявае для нас усіх. Уваход свабодны.
Гасцей святкавання Дня святога Губерта чакаюць – «бітва» раёнаў Гародні, квізы, дзіцячая праграма, агульны стол з пачастункамі, смачныя і гарачыя напоі, а таксама сакрэтная прэзентацыя.
Пачатак у пятніцу 1 лістапада а 17-й гадзіне ў беларускім хабе «Новая зямля».
Юрась Дзяшук, Беларускае Радыё Рацыя
