Супрацоўнікі Шлёнскага аддзялення Памежнай аховы затрымалі замежнікаў, якія знаходзіліся ў Польшчы, насуперак правілам.
Так, грамадзянін Беларусі знаходзіўся ў Польшчы нелегальна амаль два гады і быў затрыманы ў Катавіцах. Мужчына заехаў у краіну ў студзені 2022 года па польскай візе, тэрмін дзеяння якой скончыўся ў сакавіку таго ж года. Пра гэта паведамляе на сваім сайце Галоўнае камандаванне памежнай аховы.
Таксама ў Шлёнскім ваяводстве былі затрыманы грамадзяне Нігерыі і Індыі.
Усе замежнікі атрымалі пастановы, якія абавязваюць іх пакінуць Польшчу за тэрмін ад 15 да 30 дзён з адначасовай забаронай на ўезд у Шэнгенскую зону на тэрмін ад 8 месяцаў да 3 гадоў.
Беларускае Радыё Рацыя
