У нядзелю, 25 лютага, у Беларускім Доме ладзяць майстар-клас для дзяцей — гукаюць вясну.
Дата: 25 лютага. Час: 13.00 (час мясцовы). Месца: Беларускі Дом, ul. Kryniczna 6, Варшава.
Дзеці навучацца выпякаць «жаваронкаў» — вестуноў вясны. Нашы продкі пяклі печыва ў выглядзе птушак і раздавалі іх дзецям. А дзе-нідзе дзяўчаты на посцілцы падкідвалі ўверх печаных жаваронкаў, імітуючы палёт, што мусіла паскорыць вяртанне птушак з выраю.
Дзяцей чакае:
Супольнае гатаванне печыва «жаваронкі» з наступным яго спажываннем;
Аповеды пра тое, як нашы продкі вясну чакалі;
Вясновыя спевы, карагоды;
Файна праведзены час у кампаніі аднагодкаў-беларусаў.
Занятак правядзе Ася Смаляк, маці траіх дзяцей, мантэсоры-педагог.
Удзел бясплатны, але ж месцаў абмежавана.
Рэгіструйцеся па спасылцы.
Арганізатары
