24 сакавіка ў нядзелю, напярэдадні Дня Волі, у Вольскім Доме Культуры (Obozowa 85) адбудзецца канцэрт салідарнасці з усімі, хто змагаецца за свабоду і дэмакратыю ў краінах, дзе гэтыя асноўныя правы чалавека знішчаныя.
Кажа лідар гурта Піт Паўлаў:
– Гэта ўсё адбудзецца напярэдадні Дня Волі. Будзе граць N.R.M. як галоўны гурт, і будзе госць – яшчэ адзін беларускі гурт. Вось гэта ўся праграма. Але мы запрашаем і ваяроў Палка, і палітыкаў, і ўсіх жадаючых. У гэты дзень я яшчэ буду граць ля Слупа Сігізмунда. І запрашаю ўсіх жадаючых на канцэрт. Спадзяюся, што будзе сапраўднае беларускае свята.
Гурт N.R.M., легенда беларускага року запрашае ўсіх варшавякаў: і тых, хто заўсёды жыў у сталіцы, і тых, хто пераехаў у апошнія гады. Разам з N.R.M. у імпрэзе прыме ўдзел яшчэ адзін беларускі рок-гурт. Пачатак а 19-й.
Цалкам матэрыял:
Беларускае Радыё Рацыя
