Таварыства «Асяродак Белавежа» звяртаецца з заклікам да мясцовых жыхароў і сяброў арганізацыі далучыцца да валанцёрскіх работ па рамонце будынка навучальна-адпачынкавага цэнтра ў Белавежы.
Кажа прэзідэнт таварыства і дарадца маршалка Падляшскага ваяводства па пытаннях нацыянальных і этнічных меншасцяў Аляксандр Васылюк:
– Асноўная мэта – пабудаваць цэнтр, які б абслугоўваў рэлігійныя, нацыянальныя і этнічныя меншасці, меншасці беларусаў, якія ўжо ўдзельнічаюць у гэтым праекце. Нам ужо ўдалося накрыць дах, дзякуючы спонсарам. Мы знаходзімся на этапе зносу падлогі і сцен, рыхтуемся да генеральнай рэканструкцыі абодвух будынкаў. Кожныя выходныя на працягу тыдня мы знаходзімся ў Белавежы. Калі ёсць група, якая б хацела прыехаць і дапамагчы, правесці час у Белавежы, мы абяром дату і будзем працаваць разам, знаёміцца адзін з адным і інтэгравацца.
Таварыства «Асяродак Белавежа», якое з 1989 года выконвае ролю адукацыйнай і моладзевай пляцоўкі, размешчана па адрасе вул. Застава 68, на ўскрайку Белавежы. Непадалёк — скансен, турыстычная сцежка «Żebra Żubra» і рака Нараўка. Бліжэйшыя дні валанцёрскіх работ – 30 і 31 траўня.
Жадаючыя дапамагчы могуць напісаць на электронную пошту:
kontakt@osrodekbialowieza.pl
У лісце варта пазначыць:
– свае кантактныя дадзеныя,
– даты, калі магчыма далучэнне да валанцёрскіх дзяжурстваў.
Цалкам матэрыял:
Беларускае Радыё Рацыя
Фота Аляксандра Васылюка
