Сольны акустычны канцэрт лідара гурта Sumarok Ігара Палынскага адбыўся 11 кастрычніка ў Вільні. Паслухаць музыку прыйшлі не толькі беларусы, але і ўкраінцы. Ігар праспяваў як свае старыя песні, так і новыя, якія ён напісаў падчас эміграцыі.
Акампанавалі яму прафесійны гітарыст, блюзмэн Юрый Несцярэнка, музыка Сяргей “Космас” і перкусіяніст Бернард.
Кажа музыка Ігар Палынскі:
-Гэта мой першы канцэрт у Вільні, і ён адразу выбіваецца з шэрагу ўсіх маіх канцэртаў, якія былі за апошнія гады, за чатыры, прынамсі, гады ў эміграцыі. Бо гэта канцэрт-эксперымент. Мы абсалютна спантанна зайграем разам з Юрыем Несцярэнкам – легендарным беларускім музыкантам. Гэта будзе шмат у чым імправізацыя.
Канцэрт, па традыцыі, Ігар Палынскі завершыў спевам свабоды “Разбуры турмы муры”. Як і абяцаў музыка, быў сапраўдны вечар эмоцый, нерву, надзеі і бясконцай любові — таго, чаго так часта бракуе ў віры нашага сённяшняга жыцця.
Цалкам матэрыял:
Беларускае Радыё Рацыя
