Зацягванне разгляду тэрмінаў на атрыманне бежанства ці міжнароднай абароны ставіць чалавека ў складаныя жыццёвыя ўмовы. Не кожны здольны праз іх прайсці, асабліва калі ёсць праблемы са здароўем ці пошукам працы.
Сваёй сітуацыяй падзяліўся беларус, які жыве ў Польшчы, Андрэй Колас, які так і не дачакаўся рашэння:
– Я дагэтуль яшчэ не атрымаў міжнародную абарону. Я падаўся 23 снежня мінулага года і вось дагэтуль чакаю. Справа ў тым, што ў мяне падыходзіць гуманітарная карта побыту ўжо да канца. Тэрмін скончыцца, і я не проста думаў, якім чынам тут легальна знаходзіцца ў Польшчы, але я думаў яшчэ загадзя. То бок больш, чым за год. У мяне былі спадзяванні, што я хутка атрымаю, на працягу паўгода, таму што ў мяне ўсе падставы ёсць, нават думаў, што мне дадуць статус бежанца.
Згодна з новымі зменамі ў польскім заканадаўстве, да 4 сакавіка 2026 года прыпыняюцца тэрміны разгляду справаў аб міжнароднай абароне. Гэта тычыцца як падачы на статус уцекача, так і прытулку. Такім чынам, “усе заявы, якія цяпер застаюцца на разглядзе ва Управе справаў іншаземцаў (UDSC), будуць замарожаныя”.
Цалкам матэрыял:
Беларускае Радыё Рацыя
