На Падляшшы бацькі маюць час да 31 сакавіка, каб падаць заяву на вывучэнне беларускай мовы ў школе. Навучанне даступнае для дзяцей і моладзі — грамадзянаў Польшчы, з’яўляецца бясплатным і добраахвотным, а з новага навучальнага года для вучняў 7–8 класаў прадугледжаныя дадатковыя магчымасці.
Кажа прадстаўніца Аб’яднання ў падтрымку дзяцей і моладзі, якія вывучаюць беларускую мову «АБ-БА», Ілона Карпюк:
–Да 31 сакавіка тэрмін падачы заявак ад бацькоў да дырэктара школы, дзе праводзіцца навучанне беларускай мовы. У Беластоку – гэта непублічная школа Кірыла і Мяфодзія, гэта публічная школа №4, сярэдняя школа-ліцэй №3 у Беластоку. Але, вядома, што калі збярэцца група ахвотных, можна таксама зарганізаваць навучанне ў любой школе. Гэта дазваляюць законы.
Па словах Ілоны Карпюк, з новага навучальнага года вучні, якія вывучаюць беларускую мову, могуць быць вызваленыя ад другой замежнай мовы або лаціны ў 7–8 класах. Для гэтага таксама трэба падаць заяву да 31 сакавіка.
Цалкам гутарка:
Беларускае Радыё Рацыя
