Ва Украіне з’яўляецца інфармацыя пра верагоднае правядзенне прэзідэнцкіх выбараў ужо ва ўмоўна мірны час, а таксама асноўныя размовы цяпер датычацца перамоўнага працэсу — а менавіта, наколькі хутка будзе спынены агонь і дзе пройдзе размежавальная лінія паміж расейскім і ўкраінскім бокам, — пра гэта распавёў кіраўнік Місіі дэмакратычнай Беларусі ў Кіеве Генадзь Манько:
— На сённяшні дзень ва Украіне склалася вельмі складаная сітуацыя. Гэта ў значнай ступені звязана з тым, што да ўлады ў ЗША прыходзіць новы прэзідэнт Дональд Трамп, які заявіў пра тое, што будзе ажыццяўляць так званае прымушэнне да міру. Таму цяпер на фронце і ў цэлым ва Украіне вельмі ўзмацніўся ціск з боку Расеі. Гэта тычыцца і актывізацыі баявых дзеянняў на фронце. У многіх месцах там склалася сітуацыя, якая нават набліжаецца да акружэння на асобных невялікіх участках.
Цалкам слухайце ў далучаным гукавым файле:
Поўнамаштабная вайна ва Украіне ідзе 1000 і 40 дзён. Па дадзеных, агучаных украінскім войскам, расейскі бок толькі за бягучы год згубіў на вайне каля 421 тысяч чалавек.
Беларускае Радыё Рацыя
