Парламент Грузіі зняў вета з пастановы прэзідэнткі Саломэ Зурабішвілі.
Аднак яна ўнесла новую прапанову – правесці рэферэндум, на якім грузінскі народ павінен выбраць, які далей будзе яго шлях: еўрапейскі ці расейскі. За падзеямі ў Грузіі сочыць наш карэспандэнт Сяргей Апановіч:
– Увечары 28 траўня ў Батумі адбылася адная з самых буйных акцый грузінскай апазіцыі. На вуліцы гораду выйшлі некалькі тысяч чалавек, якія стаялі з еўрапейскімі і грузінскімі сцягамі, яны былі супраць закону аб замежных агентах. Нягледзячы на гэтыя пратэсты, Парламент Грузіі зняў вета Прэзідэнта, аднак прэзідэнтка прапанавала, каб грузіны правялі ў бліжэйшы час рэферэндум пра еўрапейскі альбо расейскі шлях для краіны.
Беларускае Радыё Рацыя
