21 студзеня ў Беларускім Доме Варшавы адбылася сустрэча беларускай дыяспары з камандзірамі Палка Каліноўскага.
Спачатку выступіў камандзір палка Дзяніс «Кіт» і яго намеснік Вадзім Кабанчук. Потым прысутныя ў зале, а іх ледзь умясціла зала, задавалі шмат розных пытанняў. Дачка украінскага паэта Уладзіміра Сінчука Алеся пранікнённа прачытала верш, напісаны бацькам у гонар жаўнераў Палка Каліноўскага. Верш расчуліў як “каліноўцаў”, так і прысутных, кажа Алеся Сінчук:
– Мой тата Уладзімір Сінчук, вядомы ўкраінскі паэт, моцна адтрымлівае беларускі нацыянальны народны рух. І дужа паважае Полк Каліноўскага.
Людзі засталіся задаволенымі сустрэчай, якая доўжылася агулам больш трох гадзін:
– Вельмі добрыя ўражанні. Лічу сябе абуджанай. І ўсё будзе добра.
– Мы прыйшлі сюды, каб аддаць дань павагі нашым абаронцам, абаронцам нашай беларускай годнасці.
Жаўнерам палка былі перададзены ў падарунак дзіцячыя малюнкі, якія да гэтага дэманстраваліся ўсяму залу – яны віселі на сцяне.
З вядомых палітыкаў на сустрэчы былі Зянон Пазьняк і Павел Усаў.
Цалкам матэрыял:
Беларускае Радыё Рацыя
