Сталі вядомыя імёны прадстаўнікоў Форума падляшскіх меншасцяў, якія плануюць стаць радцамі горада Беласток і сойміка Падляшскага ваяводства.
Інтарэсы мясцовых беларусаў будуць і надалей улічвацца ў працы мясцовых самакіраванняў, гаворыць старшыня Форума падляшскіх меншасцяў Яраслаў Вердоні:
-Складана сказаць, бо гэтая лічба мяняецца. У астатнім спісе крыху заніжана гэтая лічба, але мусім памятаць пра адну рэч, што ёсць беларусы, якія жывуць тут цягам многіх гадоў і з’яўляюцца грамадзянамі Польшчы, і ў сувязі з гэтым маюць пэўныя правы, у тым ліку выбарчае. Але апошнім часам вельмі шмат людзей прыехала па прычынах палітычных і эканамічных. Яны таксама жывуць у Беластоку, але не заўсёды маюць права ўдзельнічаць у выбарах. Зыходзячы з таго, што ведаю ад калег – прафесара Алега Латышонка і Анатоля Вапа, з якімі кантактуем, таксама памятаем і пра гэтых беларусаў.
Паводле старшыні падляшскай Грамадзянскай платформы, дэпутата Сейма Кшыштафа Трускаляскага, у мясцовых выбарах дамоўлена пра супрацоўніцтва з Форумам падляшскіх меншасцяў. Таму сёлета форум будзе мець сваіх прадстаўнікоў у спісах Грамадзянскай кааліцыі на трэціх месцах у выпадку Рады горада, і на чацвёртым месцы на выбарах у падляшскі сеймік.
Беларускае Радыё Рацыя
