Роўна далучыўся да супольнай ініцыятывы па аб’яднанні і падтрымцы беларусаў ва Украіне.
Як паведамляе грамадскае аб’яднанне «Беларуская супольнасць Украіны», у горадзе з’явіўся афіцыйны прадстаўнік супольнасці.
Кажа кіраўнік арганізацыі Аляксей Францкевіч:
– Наведалі Роўна. Там сустрэліся з прадстаўнікамі мясцовай улады. Сустрэліся з замам мэра, прадставілі чалавека, які будзе прадстаўляць беларускую суполку ў Роўне. Дамовіліся адносна правядзення сумесных мерапрыемстваў. Прадставілі нашага прадстаўніка, гэта беларус, які жыве ў Роўна ўжо больш за 20 гадоў, чалавек, які займаецца там бізнесам. Ён інтэграваны, знаёмы з мясцовай уладай.
Таксама беларуская дэлегацыя наведала Алею Славы, дзе ўсталяваны банер, прысвечаны беларускаму герою Міраславу Лазоўскаму, чые родныя жывуць у Роўне. У горадзе ўжо перайменаваны дзве вуліцы — у гонар Кастуся Каліноўскага і Міраслава Лазоўскага. Агулам прадстаўнікі грамадскага аб’яднання «Беларуская супольнасць Украіны» дзейнічаюць у Тэрнопалі, Львове, Чарнігаве, Мікалаеве, Адэсе, Ізмаіле.
Цалкам матэрыял:
Беларускае Радыё Рацыя
