10 жніўня ў Вільні пройдзе кірмаш RADA Market
RADA Market – кірмаш беларускіх арганізацый і ініцыятыў, рамеснікаў, дзе кожны жадаючы можа атрымаць новыя веды, зарад энергіі і натхнення! Удзельнікі змогуць пазнаёміцца з беларускімі арганізацыямі і ініцыятывамі, паслухаць пра іх дзейнасць, паўдзельнічаць у актыўнасцях і інтэрактывах, а таксама дазнацца пра беларускіх рамеснікаў і набыць іх прадукцыю, прыняць удзел у майстар-класах і вялікай колькасці іншых актыўнасцяў!
Асноўная пляцоўка:
- 12:00–17:00 – Кірмаш сацыяльных ініцыятыў і рамеснікаў;
- 17:00–18:00 – Лекцыя-стэндап «Яна жартуе?!» ад Фем-стэндап клуба ім. Зоські Верас;
- 18:00–18:30 – Дабрачынны аўкцыён з Мікітай Бялевічам;
- 19:00 – Stand up Ірыны Прыходзька;
- 21:00 – After-party клубе Red Cat (Vytenio g. 50d)
Пляцоўка майстар-класаў:
- 12:00–13:00 – Лепка з гліны;
- 13:00–14:00 – Збор калажу на тэму «Аўтапартрэт»;
- 14:00–15:00 – Шыццё лялькі ўласнымі рукамі / Стварэнне свайго ўласнага ўпрыгожання;
- 15:00–16:00 – Варкшоп па DIY-друку (do it yourself) на цішотках / Майстар-клас па макіяжу «Ззяй»;
- 16:00–17:00 – Майстар-клас па Vogue dance;
- 13:00–17:00 – Майстар-клас з Левонам Халатрянам па стварэнні чокераў
Арганізатары забяспечваюць удзельнікаў усімі неабходнымі матэрыяламі — нічога браць з сабой не трэба.
Удзел у майстар-класах бясплатны, але трэба зарэгістравацца.
Падрабязней пра RADA Market па спасылцы.
