Клуб гістарычнай рэканструкцыі «Invictus 1863», які створаны беларусамі і базуецца ў Беластоку, тройчы наведаў беларускі дзіцячы летнік «Зубровыя сцежкі», які на працягу месяца працаваў у Белавежскай пушчы. Удзельнікі клуба ў атракцыйнай форме распавядалі і паказвалі дзецям самае цікавае пра паўстанне 1863 – 64 гадоў – культуру, зброю і быт часоў паўстання.
Гавораць удзельнікі клуба «Invictus 1863»:
-Уражанні, канешне, толькі пазітыўныя, таму што дзеці вельмі інтэлігентныя, вельмі адэкватныя. Я з такімі вельмі люблю супрацоўнічаць. Дзеці цікаўныя. Ім цікавая нашая гісторыя.
Агулам цягам месяца ў тры змены праз летнік «Зубровыя сцежкі» прайшло больш за паўсотню беларускіх дзетак. У асноўным – гэта дзеці палітзняволеных.
Цалкам матэрыял:
Юрась Дзяшук, Беларускае Радыё Рацыя
