Днём расейцы нанеслі каля 10 удараў па Харкаве. Па апошніх дадзеных, колькасць пацярпелых павялічылася да 44, сярод іх сем дзяцей. Адзін з удараў прыпаў па раёне прыватнай забудовы, паведаміў мэр Харкава Ігар Церахаў.
Расейскія войскі наносілі ўдары па Харкаве ракетамі «Іскандэр-М», а таксама С-300/400, паведаміла Харкаўская абласная пракуратура. Сярод пашкоджанай інфраструктуры — харкаўскі Палац спорту, гандлёвы цэнтр у Салтаўскім раёне і каля гідрапарка ў Кіеўскім.
Прэзідэнт Украіны Уладзімір Зяленскі заклікаў сусветных лідараў даць усё неабходнае для абароны ад расейскіх удараў пасля чарговага абстрэлу Харкава.
