Міністр унутраных спраў і адміністрацыі Польшчы падпісаў распараджэнне аб увядзенні часовай забароны на знаходжанне на пэўнай тэрыторыі ў прыгранічнай зоне, прылеглай да дзяржаўнай мяжы з Рэспублікай Беларусь. Гэта азначае, што буферная зона падоўжана яшчэ на 90 дзён.
Зона, на якую распаўсюджваецца забарона на знаходжанне, як і раней, будзе ахопліваць участак мяжы працягласцю 78,29 км, размешчаны ў межах тэрытарыяльнага ахопу пастоў памежнай аховы ў Міхалове, Нараўцы, Белавежы, Дубічах Царкоўных і Чаромхі.
Як растлумачылі ў Міністэрстве ўнутраных спраў і адміністрацыі, гэты рэгіён уяўляе сабой лясную мясцовасць, часта балоцістую, дзе правядзенне пошукавых аперацый абцяжарана. Гэта стварае непасрэдную пагрозу жыццю і здароўю людзей, якія трапляюць туды з Рэспублікі Беларусь.
