Амаль палова палякаў лічаць, што іх краіна павінна скараціць або цалкам адмяніць ваенную дапамогу Украіне, хоць польскі ўрад яшчэ год таму заявіў, што больш не можа пастаўляць Украіне зброю. Пра гэта сведчаць вынікі новага сацыялагічнага апытання, праведзенага па замове Фонду Stand With Ukraine і партала Defence24.
“Палякі працягваюць дэклараваць салідарнасць з Украінай, але яна не з’яўляецца безумоўнай”, – піша выданне.
Так, на пытанне, ці павінна Польшча падтрымліваць Украіну дыпламатычна на міжнароднай арэне, 52% рэспандэнтаў адказалі сцвярджальна, тады як 29% былі супраць.
Разам з тым аж 46% рэспандэнтаў лічаць, што ваенную дапамогу Украіне варта скараціць або прыпыніць. Сярод асноўных прычын – страх далейшага раззбраення польскага войска і сумневы адносна празрыстасці дапамогі.
Разам з тым 44% рэспандэнтаў лічаць, што падтрымка, якую Польшча аказвае Украіне, паляпшае бяспеку саміх палякаў. Супрацьлеглае меркаванне выказалі 37% рэспандэнтаў.
Беларускае Радыё Рацыя
