Еўрапейскія СМІ паведамляюць, што ўжо трэці дзень Берлін знаходзіцца без святла.
Што адбываецца ў Берліне, распавядае прадстаўніца беларускай дыяспары Жана Кромер:
-Блэкаўт у нас сапраўды ёсць, але ён датычыцца не ўсяго Берліна, а толькі аднаго раёна, які ў нас лічыцца далёкім і дарагім раёнам. На сябе ўзяла адказнасць нейкая радыкальная левая групоўка.
Па словах актывісткі, дапамога жыхарам гэтага раёну аказваецца, але яна недастатковая:
-Арганізаваныя пункты па тыпу тых, што ва Украіне, ты можаш там паесці гарачага, папрасіць пра іншую дапамогу, але да іх дайсці цяжка, калі ў чалавека няма сваёй машыны. Людзі трошку дэзарыентаваныя, бо святла няма, інтэрнэту няма, часта няма сувязі, бо селі тэлефоны.
Жана адзначае, што апроч немцаў у гэтым раёне таксама жывуць і бежанцы, у тым ліку бежанцы з Украіны, сярод якіх ёсць сола-маці ці людзі сталага ўзросту.
Цалкам гутарка:
Беларускае Радыё Рацыя
